Fylkir stendur fyrir knattspyrnumóti fyrir 6. flokk drengja, laugardaginn 28. ágúst 2010, frá klukkan 8:00 til klukkan 18:00, hvert lið er á svæðinu í 3-4,5 klukkutíma. Þetta er 7 manna bolti.

Spilað verður á íþróttasvæði Fylkis, 2 vellir á gervigrasinu og 2 vellir á æfingagrasi Fylkis, bakvið Fylkishöllina og við hliðina á aðalleikvangi Fylkis. Úrslitaleikir um 1. sætið verða spilaðir á æfingargrasinu en úrslitin um 3. Sætið er spilað á gervigrasinu. Æfingagras Fylkis er alvörugras. Allir spila bæði á æfingargrasinu og á gervigrasinu.

 Það verða 6 styrkleikar

 Tveir riðlar í hverjum styrkleika og 4 lið í riðli, samtals 48 lið sem geta tekið þátt

 3 leikir í riðlakeppninni

 1. sætin í hverjum riðli spila hreinann úrslitaleik um sigurinn í hverjum styrkleika

 2. sætin í riðlinum spila um 3. sætið í hverjum styrkleika

 3. og 4. sætið í hverjum riðli ljúka leik að lokinni riðlakeppninni, og spila ekki um sæti.

Lengd leikja:

 Styrkleikar 1-4 spila í 2x12 mínútur,

 Styrkleikar 5-6 spila í 2x10 mínútur

 1 mínúta í hálfleik

 4-5 mínútur á milli leikja

 Einn tímavörður og tíminn stoppar aldrei

Ef tvö eða fleiri lið verða jöfn í riðlakeppninni ræður fyrst innbyrðis viðureign, ef hún er jafntefli þá er það markatalan, og ef hún er jöfn þá er það fleiri skoruð mörk, ef það er jafnt þá er það hlutkesti.

Ef jafnt er í úrslitaleikjunum, þá er það liðið sem skorar á undan í öðruhvorum hálfleiknum sem sigrar, ef hinsvegar verður markalaus leikur þá teljast bæði lið sem sigurvegarar.

Allir þátttakendur fá verðlaunapening + 2xpissusneiðar + kókglas + glaðning frá Dominos + frítt í sund eftir mót. Sigurvegari í hverjum styrkleika fær bikar.

Kostnaðurinn er aðeins 1.500,- fyrir hvern þátttakanda sem greiðist á staðnum, liðsstjóri skal sjá um innheimtu hjá sínu liði (liði ekki félagi) og greiða fyrir hvert lið í sjoppunni eins fljótt og auðið er og þá eru afhentir pissu + sundmiðar. Verðlaunapeningar og glaðningurinn verða afhent þegar liðið lýkur þátttöku og fer fram við gervigrasið. Pissur + kók eru afhent hverju liði eftir að þau ljúka leik og eru komin með verðlaunapeninga, framvísa þeir pissumiðunum í sjoppunni.

Sjoppa verður á staðnum sem selur kaffi, drykki og eitthvað matarkynns.